Рубрика: Іс-шаралар

Әдет-ғұрып және салт-дәстүр орталығы «Ońtústik» телеарнасымен бірлесе, Түркістан облысы, Төлеби ауданы, Кеңесарық елді мекенінде саятшылық, құсбегілік өнерін насихаттау мақсатында «Салбурын мереке ғой саятшыға…» атты телевизиялық бағдарлама түсірілімін өткізді.
Саятшылық, құсбегілік өнердің қазақ даласында ерте кезеңдерден бері қалыптасып, дамығаны белгілі. Бүгінде осы ұлттық саятшылық дәстүрімізді ұмыт қалдырмай, бабадан қалған бағзы бекзат өнерді жалғап жүрген, оңтүстік өңіріне белгілі құсбегі Жомарт Кеуеновтың бір күндік табиғатпен үндескен өмірі түсірілді. Оның құсбегілік өнерге келу жолы, бұл кәсіптің қыр-сыры, бүркіт баптау мен құмай тазыларды аңшылыққа баулу, аңға салу жолдары көрсетілді.

Әдет-ғұрып және салт-дәстүр орталығында көпшіліктің сұранысымен «Тұсаукесер» рәсімі өтті. Кішкентай сәбиіміз Алмастың үлкен өмірге алғашқы қадамын кескен — ҚР Еңбек сіңірген спорт шебері, Олимпиада ойындарының күміс жүлдегері, «Шымкент қаласының №1 олимпиада резервінің мамандандырылған балалар-жасөспірімдер спорт мектебінің» директоры, даңқты боксшы Мұхтархан Қобланбекұлы Ділдәбеков.Тәй-тәй басқан Алмас бүлдіршіннің қадамы құтты, өмір жолы жарқын болсын! Орталықта алдағы уақытта да дәстүрге сай танымал игі жақсылар бүлдіршін ұл-қыздарымыздың тұсауын кесетін болады.
Егер Сіз отбасы қуанышы, мерекелік шаралар мен той-томалағыңызды ата-баба дәстүріне сай, ысырапсыз, мән-мазмұнды өткізгіңіз келсе онда бізге хабарласыңыздар.

Әдет-ғұрып және салт-дәстүр орталығы ұлттық құндылықтарды, әдет-ғұрыптар мен салт-дәстүрлер, ұлттық ойындар мен ат үсті ойындарын дамыту, жастарға насихаттау мақсатында Түркістан облысы дене шынықтыру және спорт басқармасының «Түркістан облыстық ұлттық спорт түрлерінен мамандандырылған балалар-жасөспірімдер спорт мектебі» МКҚК мен өзара ынтымақтастыққа меморандум жасасты.

Алдағы уақытта спорт мектебімен бірлесе меморандум аясында көптеген жұмыстар жүзеге асыру жоспарлануда.

Бүгін Әдет-ғұрып және салт-дәстүр орталығы ұлттық құндылықтарды, әдет-ғұрыптар мен салт-дәстүрлер, ұлттық ойындар мен ат үсті ойындарын дамыту, жастарға насихаттау мақсатында Шымкент қаласының дене шынықтыру және спорт басқармасының «Шымкент қаласының ұлттық және ат спорт түрлері бойынша кешенді спорт клубы» коммуналдық мемлекеттік мекемесімен өзара ынтымақтастыққа меморандум жасасты.

Алдағы уақытта спорт клубымен бірлесе меморандум аясында көптеген жұмыстар жүзеге асыру жоспарлануда.

Бүгін Әдет-ғұрып және салт-дәстүр орталығы ұлттық құндылықтарды, әдет-ғұрыптар мен салт-дәстүрлерді жас бүлдіршіндерге насихаттау мақсатында Шымкент қаласы білім басқармасының «Балалар көркемсурет мектебімен» өзара ынтымақтастыққа меморандум жасасты. Бүгінде ЮНЕСКО клубы мәртебесіне ие білім ордасында 600 астам шәкірт тәрбиеленуде.
Алдағы уақытта «Балалар көркемсурет мектебімен» бірлесе меморандум аясында көптеген жұмыстар жүзеге асыру жоспарлануда.

Орталықта «тұсаукесер» рәсімі өткізілді. Жасмин қызымыздың тұсауын халқымызға белгілі айтыскер ақын, Отырар қалалық ғылыми-әмбебап кітапханасының директоры, ф.ғ.к. Анар Жаппарқұлова Абусайылқызы кесті.
Тәй-тәй басқан Жасмин қыздың қадамы құтты, өмір жолы жарқын болсын!

Бүгін орталығымызда «тұсаукесер» рәсімі өтті. Мансұр сәбиіміздің тұсауын өнер ордасында елімізге белгілі Әзіл-сықақ және сатира театрының актері, мәдениет саласының үздігі Қалыбаев Ғалымжан Құрманбекұлы кесті.
Мансұрдың үлкен өмірге басқан қадамы құтты болсын!

Кездесу барысында мәдениет саласының бүгінгі таңдағы басты бағыттарына тоқталып, алда атқарылатын нақты жұмыстармен ой бөлісті.

Әдет-ғұрып және салт-дәстүр орталығы ақын, ҚР Журналистер одағының мүшесі, «Кітапхана ісінің үздігі» төсбелгісі иегері Өмірбек Гүлнәр Есіркепқызының 60 жылдық мерейтойына орай «Алтынға боянған таң» атты шығармалық поэзия сағатын өткізді. Орталық қызметкері, айтыскер, ақын Нұрлан Келдібекұлы кездесу кейіпкеріне жырдан шашу шашты.
Поэзия сағатына Ж.Шанин атындағы академиялық қазақ драма театрының әдебиет бөлімінің меңгерушісі, драматург Сая Қасымбек, А.С.Пушкин атындағы Түркістан облыстық әмбебап-ғылыми кітапханасы директорының орынбасары Ақмарал Қамбарқызы Омарова, Шымкент қаласы бойынша «Рухани жаңғыру» жобалық кеңсесінің басшысы Зауре Абдухамитқызы Оралбаева, Әлем халықтары Жазушылары одақтарының мүшесі, Республикалық «Әйел құпиясы» және «Әйел денсаулығы» газеттерінің бас редакторы, әрі құрылтайшысы Фатима Забурақызы Жүнісова, Шымкент қалалық саяси қуғын-сүргін құрбандарының музейі директорының орынбасары Гүлмира Алдонғарқызы Серікбаева, суретші, ұстаз Мейраш Мырзабекқызы Тастемирова қатысты.
Шараға арнайы келген қонақтар өнерлі де өрелі ақын қызын мерейлі мерейтойымен құттықтап, өздерінің жылы лебізін білдіріп, шығармашылығына тоқталып, естеліктерімен бөлісті. Кеш иесінің жырларын орталық қызметкерлері, кітапхана қызметкерлері, студенттер, мектеп оқушылары орындап, көрермен қауымның ыстық ықыласына бөленді. Сондай-ақ, көпшілік назарына ақынның өмір жолы мен жетістіктері жайлы «Отырар» қалалық ғылыми-әмбебап кітапханасы кітап көрмесін ұсынды. Ақын Гүлнәр Есіркепқызы орталық ұжымына ыстық ілтипатын білдіріп, алғысын жеткізді.