«Сақталушы еді сыбаға…» 26.01.2018ж

«Сыбаға» дәстүрін дәріптеу мақсатында Әдет-ғұрып және салт-дәстүр орталығы Отырар ауданы тілдерді дамыту және мәдениет бөлімімен бірлесе аудан тұрғындары арасында «Сақталушы еді сыбаға…» этно-танымдық шарасын ұйымдастырды. Шара барысында Отырар ауданы тұрғындары «Сыбаға сақтау» салты туралы көрініс көрсетіп, соғым сойып мүшелеу, ет осу, сүрлеу тәртібі жайлы баяндады. Сонымен қатар, ет және сүт өнімдерінен сақталған сыбағалар (құрт, қарынға салынған май, ірімшік, сүмесүт т.б) мен дәнді дақылдардан (тары, бидай, сұлы, жүгері және күріш т.б) дайындалған сыбаға түрлерінің жасалу жолдары жайлы мағлұмат берілді.