«Қызым, саған айтам…» 30.01.2018ж

Елбасы Н.Назарбаевтың «Болашаққа бағдар: рухани жаңғыру» мақаласы аясында Әдет-ғұрып және салт-дәстүр орталығы  халқымыздың әдет-ғұрпы мен салт-дәстүрлерін, жөн-жоралғысы сақталған ұлттық құндылықтарды қыз баланың бойында қалыптастыру мақсатында «Қызым, саған айтам…» тақырыбында  қыздар арасында сырласу кешін өткізді. Іс-шараға №3 Шымкент қалалық емхананың психолог маманы Избасарова Алия Аңсағандыққызы, гинеколог маманы Батырбекова Гүлмира Сегізбайқызы, «Көркем» әжелер тобының мүшесі, зейнеткер, ұстаз Бөрібекова Таңсық Кенжеқызы, «Көркем» әжелер тобының мүшесі Байдібек Күлайша Жүнісқызы сынды ел аналары қатысып, қаракөз қарындастарымызбен сыр сұхбат өткізді. Іс-шара барысында қыз тәрбиесі жөнінде қыздарға сауалнама таратырып, бейнероликтер көрсетілді. Кездесуде қазіргі қазақ қызының тәрбиесі мен бойындағы ұлттық құндылықтарды ояту, оларды отбасылық өмірге тәрбиелеу жолдары мен қазақ халқының салт-дәстүрлері туралы көкейде жүрген мәселелер талқыланды.